အကြမ်းဖက်မှုကြောင့် ဖြစ်ပျက်ခဲ့သမျှအရာအားလုံး ရဲတပ်ဖွဲ့ မှ ပြန်လည်တာဝန်ယူမယ်

လက်ပံတောင်းတောင် ကြေးနီစီမံကိန်းရပ်ဆိုင်းရေး သပိတ်စခန်းများအား အကြမ်းဖက်ဖြိုခွင်းခဲ့
မှုအတွက် သက်ဆိုင်ရာလုံခြုံရေးရဲတပ်ဖွဲ့က အစစအရာရာ ပြန်လည် တာဝန်ယူမည် ဖြစ်ကြောင်း
ဒေါ်အောင်ဆန်းစုကြည်နှင့် ဒုတိယတိုင်းရဲတပ်ဖွဲ့မှူးကြီး သူရသွင်ကိုကို တွေ့ဆုံစဉ် သူရလွင်ကိုကိုက
ပြောကြားခဲ့ကြောင်းသိရသည်။

အဆိုပါ အကြမ်းဖက်မှုဖြစ်ပွားခဲ့ခြင်းကြောင့် သပိတ်စခန်း(၆)ခုတွင် လူဦးရေ ၈၀ ခန့် ဒဏ်ရာရရှိခဲ့ပြီး
မုံရွာပြည်သူ့ဆေးရုံတွင် ၂၀ ဦးခန့်သာ တက်ရောက်ကုသမှုယူလျက်ရှိကြောင်းသိရသည်။

“ကျနော်တို့နဲ့တော့ သူရသွင်ကိုကို တို့တွေ့ခွင့်မရပင်မယ့် ဒေါ်စုနဲ့ကျနော်တို့တွေ့တုန်းက ဒေါ်စုက
ပြောတာပါ။အစစအရာရာအားလုံးကို သူတို့ရဲတပ်ဖွဲ့က တာဝန်ယူမယ်လို့ပြောတယ်” ဟု ဒေါ်အောင်
ဆန်းစုကြည်နှင့်တွေ့ဆုံခွင့်ရရှိခဲ့သော တုံရွာသစ်မှ ကိုအောင်သန်းမျိုးက ပြောကြားသည်။

ဒေါ်အောင်ဆန်းစုကြည်သည် မုံရွာမြို့ရှိ ၄င်းတည်းခိုရာ ၀င်းယူနတီ ဟိုတယ်တွင် ရဲတပ်ဖွဲ့မှ တာဝန်
ရှိသူများ၊ ဒေသခံပြည်သူများနှင့် ၀မ်ပေါင်ကုမ္ပဏီရှိ တာဝန်ရှိသူများနှင့် တွေ့ဆုံခဲ့ကြောင်းသိရသည်။

“ဒေါ်စုက သက်ဆိုင်ရာကို ဒီအကြမ်းဖက်မှုအတွက် ပြန်တောင်းပန်ခိုင်းတယ်၊နောက်ပြီး ဒီကိစ္စကို
ပြည်သူတွေ အတွက် စုံစမ်းစစ်ဆေးရေးကော်မရှင်ကိုဖွဲ့ပြီး စုံစမ်းစစ်ဆေးပေးပါ့မယ်လို့ပဲပြောခဲ့ပါတယ်
၊ဒီကပြည်သူတွေ ကတော့ တောင်းပန်ရုံနဲ့တော့ ဘယ်သူမှ မကျေနပ်နိုင်ကြဘူး” ဒေသခံတစ်ဦးဖြစ်သော
ဦးကိုလတ် ကပြော ကြားသည်။

လက်ပံတောင်းတောင် သပိတ်စခန်းများသည် ၁၃ ရက်မြောက်နေ့တွင် အကြမ်းဖက်ဖြိုခွင်းခြင်းခံရ
ခြင်းဖြစ်ပြီး ဒီဇင်ဘာလ ၁ ရက်နေ့တွင် လက်ပံတောင်းတောင် စုံစမ်းစစ်ဆေးရေးကော်မရှင်မှ စတင်
စုံစမ်းစစ်ဆေးမည် ဖြစ်ကြောင်းသိရသည်။

စူးရှ

The Myanma Age